Biz niyə qışdan zövq ala bilmirik?! — FOTO

Ana Sayfa » Статьи » Biz niyə qışdan zövq ala bilmirik?! — FOTO

qis
Məmləkətimi xoşbəxt, körpələrimizi məsum, günümüzü ağ görmək istəyirəm… göydən yağan qar kimi ağappağ!

Bilmirəm nədəndir, amma hər il qış fəsli gələndə, xüsusən də bərk qar yağanda, bayırda çovğun olanda içimə sanki kövrək hisslər dolur, qayğılı və susqun oluram. Bəlkə də hamıda belə olur, amma mən tam başqa oluram qışda.

Bakıda öyrəşmişik … qış gələn kimi, güclü qar yağan kimi özü ilə saysız-hesabsız problemləri də gətirir – evlərimiz bumbuz olur, qazımız azalır, küçələrimiz keçilməz olur, bütün məişət problemləri insanlarımızı o qədər bezdirir ki, hamının üzündən sanki zəhrimar yağır. Və bu cəmiyyətin bir üzvü kimi biz də bu durumdan öz payımızı alırıq. Evində sadalanan problemlər olmayanlarımız da ətrafdakı insanların çarəsiz və bu çarəsizlikdən doğan əsəbi halını görüb pərişan oluruq. Necə deyərlər, hər şey və hər kəs bir-biriylə əlaqəlidir həyatımızda.
Odur ki, uşaqlıqda kitablardan oxuduğumuz Şaxta Baba, Qar Qız, qartopu, qar adamı və qarla bağlı olan bütün xəyallarımız əlçatmaz görünür. Bəzi ailələr uşaqlarını isti geyindirib küçəyə çıxartmağa imkan edə bilmir – bunun yun corabı var, isti şərfi var, su keçirməyən ayaqqabıları var, əlcəkləri və kurtkası var. Təbii ki, gündəlik ehtiyaclarını zorla ödəyən bir ailə üçün uşaqlarına bu qədər pal-paltarı almaq da əlavə problemdir.
Biz də uşaqlığımızı bu qayğılarla keçirmişik, birtəhər böyüyüb boya-başa çatmışıq. İndi böyüməyimizə baxmayaraq, bu çətinlikləri arxada qoymağımıza baxmayaraq, yenə də qarın dadını çıxarda bilmirik… Azərbaycanda qarın dadını çıxarda bilmirik.

Ölkədən kənarda qar da tamam başqa olur sanki. Öz təcrübəmdən deyə bilərəm ki, Rusiyada qış daha gözəl və keyfli olur. Moskvada qiyabi təhsil aldığımdan artıq 5 ildir ki, Yanvar və Fevral aylarını Moskvada keçirməli oluram. Rus millətçilərinin qeyri-ruslara bəslədiklərinə gündəlik kin və nifrətdən beziksəm də, bu məmləkətin qışını sevməyə bilmirəm.
Buranın qışı bir başqa olur vallah. Facebookda oturub Bakıdakı qış mənzərəsini izləyirəm – hamı şikayət edir. Biri nəqliyyatın fəaliyyətsizliyindən, bir başqası evdə işıq, qaz və suyun gəlməməsindən, digər dostlarım isə qarın gətirdiyi çoxsaylı problemlərdən gileylənirlər. Azərbaycanda tək-tük adam tapmaq olar ki, qış vaxtı, qarın dizdən olan vaxtı bayıra çıxıb pozitiv fotolar çəkdirsin, qış fəslinin dadını çıxarsın və bu xoşbəxtçiliyi sosial şəbəkələrdəki dostları ilə bölüşsün.
Amma Moskvada bunu asanlıqla etmək olur. Bax, bugün foto kameramı da götürüb düşdüm həyətə. Yaşadığım evin yanındakı parka gedəndə Moskva sakinlərinin qışdan necə həzz aldıqlarını, uşaqlı-böyüklü, hamının qartopu oynadıqlarını, buz üstündə sürüşdüklərini və həyatdan zövq aldıqlarını gördüm.
Gizlətmirəm… bir az paxıllığım tutdu. Mən də insanlarımızı belə pozitiv görmək istəyirəm. İstəyirəm ki, uşaqlarımız qışın gəlişi ilə sevinsinlər, kitablardan oxuduqları və xəyal etdikləri arzuları qarla həyata keçirsinlər.

İstəyirəm ki, vətəndaşlarımız xoşbəxt olsun, onların bu xoşbəxtliyini qaz, işıq və su kimi XXI əsr üçün elementar sayılan qayğılar korlamasın.
İstəyirəm… istəyirəm… istəyirəm! Məmləkətimi xoşbəxt, körpələrimizi məsum, günümüzü ağ görmək istəyirəm… göydən yağan qar kimi ağappağ!

Əhməd Şahidov
02 Fevral 2014-cü il
Moskva şəhəri, Rusiya Federasiyası

Новости

«Российское посредническое предложение является позитивным шагом в вопросе о пленных и заложниках» — Ахмед Шахидов дал интервью телеканалу ARB24 «Предоставление политического убежища Виталию Шишкину является примером армянской фашистской политики» — Ахмед Шахидов «Отмена виз для граждан Турции приблизит нас» — Ахмед Шахидов выступил на турецком телеканале «Улусал Канал» «План Союза Миацум подорвет позиции Армении на международной арене» — Ахмед Шахидов «Власти Армении оказывают давление на семью Араика Казаряна» — Ахмед Шахидов «Мне жаль этих людей» — Ахмед Шахидов был гостем на телеканале «Канал 5» Ахмед Шахидов посетил школу села Сарибаш: «Учебное заведение не должно быть в таком состоянии» Ахмед Шахидов поздравил население Гаха по случаю Курбан Байрам «Наше самое большое богатство — это наши люди» — Ахмед Шахидов говорит о 89-летии Гахского района Ахмед Шахидов вновь призвал отремонтировать мечеть села Зарна «Каждый раз я посещаю наших шехидов, потому что…» — Ахмед Шахидов выступил с видеообращением «На следующем этапе Дильгам Аскеров и Шахбаз Гулиев будут освобождены» — сказал Ахмед Шахидов телеканалу ARB24 «Гуманитарный диалог о наших заложниках будет продолжен» — Ахмед Шахидов заявил ATV «Армения отступает в вопросе о пленных и заложниках» — Ахмед Шахидов рассказал телеканалу REAL Вопрос о заложниках Дилгама Аскерова и Шахбаза Гулиева обсуждался в программе «Гундем» на телеканале ARB24